Польшада «Top Model» телешоусининг собиқ иштирокчиси Самуэле Т. ижтимоий тармоқлардаги чиқишлари сабаб 11 та айбловга дуч келди. Прокуратура маълумотига кўра, у Россиянинг Украинага бостириб киришини қўллаб-қувватлаган, украинлар, яҳудийлар ва қора танли кишиларни ҳақорат қилган, шунингдек, зўравонликни оқлаган.
Тергов маълумотларига кўра, аёл ўз саҳифаларида Владимир Путин Украинани тўлиқ босиб олиши ва мамлакатда «тартиб ўрнатиши» кераклигини ёзган. Шунингдек, у Польша парламентида ханука шамларини ўт ўчиргич ёрдамида ўчирган депутат Гжегож Браунни ҳам мақтаган.
Аввалроқ Самуэле Т. «Конфедерация» партиясидан Польша парламенти — Сейм депутатлигига номзодини қўйган, бироқ сайловда атиги 1387 та овоз тўплаган.
Унга нисбатан қўйилган айбловлар бўйича беш йилгача озодликдан маҳрум этиш жазоси белгиланиши мумкин. Айни пайтда у ўз айбини тан олмаяпти.
Ўзбекистонда кескин совуқ ва кучли ёғингарчилик кутилмоқда
Эркинжон Турдимов бешта ректорни ишдан бўшатди
Чақалоғини ҳожатхонага ташлаган аёлга 3 йиллик жазо тайинланди
