Курск вилоятидаги 2 мингга яқин украиналик ҳарбийлар қамал қилинган ҳудуд 15 километрга 6 километрни ташкил қилади, деди Россия президенти Владимир Путин.
Унинг сўзларига кўра, рус қўшинлари «Курск вилоятида душман атрофида ишончли ҳалқа яратган ва ҳозир уларни сиқиб чиқармоқда».
Путиннинг таъкидлашича, Россия Қуролли Кучлари «маҳбусларнинг ҳаёти, хавфсизлиги ва нормал муомаласини кафолатлайди,» Украина Қуролли Кучлари эса «қуршаб олинган бўлинмаларни блокдан чиқаришга ҳаракат қилмоқда, аммо бу уринишлар муваффақиятсиз.» Унинг сўзларига кўра, Россия қўшинлари «душманнинг барча қарши ҳужумларини муваффақиятли қайтармоқда.»
