Россия президенти сайловдаги рақиблари – Владислав Даванков, Николай Харитонов ва Леонид Слуцкий билан бирга саҳнага чиқди.
Путин ўз нутқида Қрим «стратегик муҳим ҳудуд» ва «Россиянинг фахри» эканини айтди.
«Новороссияга келсак, Донбассга келсак, одамлар [2014 йилда] ҳам ўз оилаларига қайтиш истагини билдиришган. Уларнинг Донбасс ва Новороссиядан ўз ватанларигача бўлган йўли анча қийин ва фожиали бўлиб чиқди», — деди Россия президенти.
Путин, шунингдек, эрталаб Ростов-Донудан Донецк ва Мариуполга темир йўл алоқаси қурилиши ҳақида маълум қилинганини айтди. Президентнинг таъкидлашича, яқин орада аннекция қилинган Севастополга поездлар Қрим кўпригини айланиб ўтиб, ҳаракатлана олади.
Харитонов: «Россия - Қрим - ягона Ватан» деб ҳайқирди. Даванков ва Слутский ҳам қримликларни «қўшилиш» билан табриклади.
