Путин Покистонда йўловчи поездига қилинган ҳужумга муносабат билдирди

Россия президенти Владимир Путин Покистонда йўловчи поездига қилинган ҳужумни қоралади.

"Қурбонлари орасида кўплаб аёллар ва болалар бўлган бу шафқатсиз ва сурбетларча жиноятни қатъий қоралаймиз. Покистон ҳарбийлари ва ҳуқуқ-тартибот идоралари ходимларининг жасорати ва юқори профессионаллигини эътироф этамиз," - деди у Покистон бош вазирига йўллаган телеграммасида.

Давлат раҳбари террорчилар ҳужумининг фожиали оқибатлари муносабати билан ҳамдардлик билдирди ва ҳалок бўлганларнинг оилаларига далда сўзларини етказишни сўради.