"ПСЖ" муддатидан аввал Франция чемпионлигини расмийлаштирди

"ПСЖ" 2024/25 йилги мавсумда Лига 1 ғолибига айланди. Парижликлар чемпионат якунланишига 6 тур қолганида чемпионликни қўлга киритди.

28-тур доирасида "ПСЖ" ўз майдонида "Анже"ни 1:0 ҳисобида енгди. Ягона голни Хвича Кварацхелиянинг узатмасидан кейин Дезире Дуэ киритди.

Бу ўйиндан кейин "ПСЖ" турнир жадвалидаги бошқа жамоалар учун "қўл етмас" даражада очко йиғди. Париж клуби 74 очко билан пешқадамлик қилмоқда. Иккинчи ўриндаги "Монако" ҳисобида 27 ўйиндан сўнг 50 очко мавжуд.

Парижликлар ўз тарихида 13-марта Франция чемпионлигини қўлга киритди.