«ПСЖ» «Барселона» ҳимоячисини эркин агент сифатида қўлга киритиши мумкин

«ПСЖ» ҳимоячи Эрик Гарсиянинг вазиятини кузатмоқда. Унинг «Барселона» билан шартномаси 2026 йил ёзида якунланади. Агар 24 ёшли футболчи уч ой ичида каталонияликлар билан янги шартнома имзоламаса, парижликлар у билан музокара ўтказиши мумкин. Бу ҳақда Sport.es хабар берди.

Манбага кўра, «кўк-анорранглилар»нинг мақсади Гарсия билан шартномани 2030 йилгача узайтиришдан иборат. Бироқ ҳимоячи билан музокаралар секин кечмоқда. Испан футболчисининг ўзи эса фаолиятини «Барселона»да давом эттиришни хоҳлайди.

Гарсияни «ПСЖ» бош мураббийи Луис Энрике жуда қадрлайди. Айнан Энрике қўл остида у Испания терма жамоасида дебют қилган.

Футболчи 2021 йил ёзидан буён «Барселона» шарафини ҳимоя қилмоқда. Шу вақт мобайнида у турли мусобақаларда 124та ўйинда майдонга тушиб, 7та гол урган ва 5та голли узатма амалга оширган.