Прокуратура энди Роналдунинг "МЮ"дан "Ювентус"га ўтганини ўрганмоқда

Турин прокуратураси ҳужумчи Криштиану Роналдунинг "Ювентус"дан "Манчестер Юнайтед"га ўтишининг молиявий жиҳатларини ўрганмоқда.

Daily Mail хабарига кўра, ҳуқуқ-тартибот идоралари "кекса аёл" раҳбарияти молиявий фейр-плей талабларига жавоб бериш учун трансфер суммаларини нотўғри кўрсатган деб гумон қилмоқда. Хусусан, 36 ёшли португалияликнинг келишуви борасида саволлар пайдо бўлди.

Эслатиб ўтамиз, август ойи охирида "МЮ" юлдузли ҳужумчини 15 миллион еврога сотиб олганди, яна 8 миллиони кейинроқ бонуслар кўринишида тўланиши мумкин.

Олдинроқ прокуратура Роналдуни "Ювентус"да ёлғон молиявий ҳисобот бериш иши бўйича тергов доирасида сўроқ қилиши мумкинлиги маълум бўлганди.