Польша чегарасини кесиб ўтган украиналик қочқинлар сони 2023 йил 10 апрель ҳолатига кўра 11 миллион кишидан ошди.
Фақат 10 апрель, душанба куни Украина-Польша чегарасини 20 минг киши кесиб ўтди. Бу ҳақда Польша Чегара хизмати хабар бермоқда.
Умуман олганда, 9 миллион 259 минг украиналик Польшани тарк этиб, бошқа мамлакатларга кетган.
Польшанинг Европа Иттифоқидаги доимий ваколатхонаси маълумотларига кўра, аёллар ва болалар Украинадан келган қочқинларнинг 87 фоизини ташкил қилади.
