Эрон президенти Масъуд Пезешкиян Исроил разведкаси унга суиқасд уюштиришга уринганини маълум қилди. Унга кўра, тажовуз ҳақидаги маълумотни Эрон разведкаси тақдим этган.
Бу ҳақда Пезешкиян америкалик журналист Такер Карлсонга берган интервьюсида айтиб ўтди.
«Ҳа, улар уринди, лекин муваффақиятсизликка учради», — деди у Исроил томонидан қилинган суиқасд ҳақида сўралганда.
Президентнинг сўзларига кўра, у мажлисда қатнашар экан, шу пайтда Исроил агентлари унинг жойлашган ҳудудига зарба беришга уринган.
«Жосуслардан олинган маълумотлар орқали улар мажлис ўтказилаётган ҳудудга ҳужум қилишга ҳаракат қилишди», — деди у.
Шу билан бирга, Пезешкиан бу суиқасдга АҚШнинг алоқаси йўқлигини алоҳида таъкидлади.
Журналист Карлсон ўзининг интервью анонсида Пезешкиандан Теҳроннинг АҚШ билан урушни хоҳлаш-ҳоҳламаслиги ҳақида тўғридан-тўғри сўраганини айтди.
У интервью учун танқидларга тайёр эканини билдириб, шундай деди:
«Биз яқинда Иронга қарши ўн кунлик уруш олиб бордик — эҳтимол, яна бўлиши мумкин. Одамлар ҳақиқатни билишга ҳақли».
Трампни қўллаб-қувватлаб келган Карлсон июнь ойидаги Исроилнинг Эронга берган зарбасини қаттиқ танқид қилган ва буни «АҚШ ҳамда Исроил томонидан уюштирилган уруш акти» деб атаган. Унинг фикрича, бундай ҳарбий операциялар ҳақиқий изоляционизм сиёсатига зиддир.
Россия санкциялар билан таҳдид қилмоқда: нишонда Ўзбекистон ҳам бор!
Кеча Тошкентда рекорд даражадаги иссиқ ҳаво қайд этилди
Қатор давлатлар миллий ўзликка қайтиш мақсадида номини ўзгартирди
