Пезешкиан: "Эроннинг иқтисодий муаммолари қисман ташқи чекловлар билан боғлиқ"

Эроннинг иқтисодий муаммолари қисман ташқи чекловлар ва қисман ноёб ички шароитлардан келиб чиқадиган босимлар билан боғлиқ.

Tasnim ахборот агентлиги хабар беришича, Эрон президенти Масуд Пезешкиан бу ҳақда вазирлар маҳкамаси йиғилишида маълум қилди.

Унинг таъкидлашича, ҳукумат мамлакатнинг ҳозирги қийинчиликларни минимал харажатлар ва йўқотишлар билан енгиб ўтишини таъминлаш учун барча саъй-ҳаракатларни қилмоқда.

Пезешкианнинг сўзларига кўра, мамлакатнинг ижтимоий капиталини мустаҳкамлаш жуда муҳимдир.

"Қийинчиликларни енгиб ўтиш ва барқарор келажакка эришиш йўли ижтимоий капиталга, миллий бирликка ва барча фуқароларнинг Эрон тараққиётида иштирок этишига таянишдан иборат", деб таъкидлади у.