АҚШ Исроил армиясини қўллаб-қувватлаш ва минтақавий таҳдидларга қарши чоралар кўришда унга тўлиқ ёрдам кўрсатади. Бу ҳақда АҚШ мудофаа вазири Пит Ҳегсет исроиллик ҳамкасби Исроил Кац билан телефон орқали суҳбатда маълум қилди.
«Вазир Ҳегсет АҚШ президенти Трамп раҳбарлигида Қўшма Штатлар Исроилнинг ўзини ҳимоя қилиш ҳуқуқини тўлиқ қўллаб-қувватлашини ва Исроил минтақадаги намунали иттифоқчи эканини таъкидлади.»
Шанба куни АҚШ президенти Доналд Трамп Исроилга 907 кг (2000 фунт) оғирликдаги авиабомбаларни етказиб беришга рухсат берди. Бу тақиқ илгари Жо Байден маъмурияти томонидан жорий этилган эди.
Янги Пентагон раҳбари Пит Ҳегсет аввал ҳам исломга қарши кескин баёнотлари билан танилган. 2015 йилда Трампнинг ҳозирги мудофаа вазири лавозимига номзод «Барча мусулмонларни ўлдириш керак» деган чақириғи билан эътиборга тушган.
2020 йилда нашр этилган «Америка салиб юриши» номли китобида Ҳегсет «Ислом ҳеч қачон тинчлик дини бўлмаган» дея таъкидлайди ва Исроилнинг Фаластиндаги ҳарбий ҳаракатларини ХИ асрдаги биринчи салиб юришига қиёслайди.
💬 «Бизнинг вазиятимиз ХI асрга ўхшайди. Биз жанг қилишни истамаймиз, лекин минг йил аввалги христиан биродарларимиз каби бунга мажбурмиз», – деб ёзади Ҳегсет ўз китобида.
Зеленский президентликдан кетиш шартини айтди
"Ўқишга кетяпман деб ўйлагандим..."
Мексикадаги қирғоқлардан бирида ноёб “қиёмат балиқлари” топилди
