Осиё тараққиёт банки (ОТБ) энергетика инфратузилмасини яхшилаш учун Ўзбекистонга 125 миллион доллар ажратади. Бу ҳақда «Курсив» хабар берди.
Бу маблағ ҳисобидан еттита вилоятда 359 километр узунликдаги 12 та электр тармоғини реконструкция қилиш режалаштирилган. Бухоро, Фарғона, Қашқадарё, Самарқанд, Сурхондарё, Навоий ва Тошкент вилоятларида кабеллар янгиланади.
Шунингдек, «Файзобод», «Оби Хаёт», «Зафар» ва «Зарафшон» шаҳарларида 220 киловолтли тўртта подстансия реконструкция қилинмоқда, бу эса подстансиялар қувватини оширишга хизмат қилади.
Электр узатиш тармоғи ҳам рақамлаштирилмоқда. Бунинг учун эски инфратузилма ўрнига Назоратни бошқариш ва маълумотларни йиғиш (СCАДА) тизимини қўллаб-қувватловчи замонавий юқори волтли линиялар ва подстансиялар ўрнатилади. Бу диспетчерларга реал вақт режимида маълумотларни олиш ва тизимни масофадан бошқариш имконини беради, бу эса режалаштирилмаган узилишлар сонини камайтиради.
