Оқ уй “жанг майдони”га айланди: У ерга бориш — сиёсий тузоқми?

Трампнинг Овал кабинетдаги “қаттиқ танбеҳлари” дунё етакчилари учун янги муаммога айланди.

CNN'нинг ёзишича, бу АҚШ президентининг ЖАР раҳбарига қилган танқидларидан кейин яққол намоён бўлди. Феврал ойида Зеленский билан юз берган тортишув ҳам бунга мисол бўлади.

"Энди хорижий раҳбарлари АҚШ президентининг қароргоҳига таваккал қилиб боришмоқда. Трамп матбуот анжуманларини жанг каби ўтказмоқда. Баъзи давлат етакчилар энди Оқ уйга ташрифларини қайта кўриб чиқишлари мумкин. Илгари бу “орзу қилинган таклиф” бўлган бўлса, энди “сиёсий тузоққа” айланмоқда", деб ёзмоқда CNN.

"Дунё етакчилари ўз фуқаролари олдида қандай кўринишда бўлишлар ҳақида ўйлаши керак. Агар улар Трампга қарши тура олмасалар, заиф кўринишади. Агар қаттиқ қарши чиқсалар, Зеленский каби ички қўллаб-қувватлашга эришишлари мумкин, аммо бунда Трамп маъмурияти уларга нисбатан адоват сақлаб қолиши эҳтимоли бор. Бу эса уларнинг миллий манфаатларига зарар етказиши мумкин", дейилади мақолада.