“Олтин тўп”га даъвогарлар рейтингида ўзгариш бўлдими?

Нуфузли Goal портали душанба куни “Олтин тўп”га даъвогарлар рейтингининг янгиланган версиясини эълон қилди.

Ушбу рейтингнинг кучли учлигидаги ўринлар аввалги версияга нисбатан ўзгармаган. Юқориги ўринда Рафинья (“Барселона”), иккинчи ўринда Усмон Дембеле (“ПСЖ”), учинчи ўринда эса Ламин Ямал (“Барселона”) жойлашган.

Испания кубоги финалида чиройли гол урган “Барселона” ярим ҳимоячиси Педри тўртинчи ўринга кўтарилди.

Кейинги ўнталикка Муҳаммад Салоҳ (“Ливерпуль”), Роберт Левандовски (“Барселона”), Деклан Райс (“Арсенал”), Лаутаро Мартинес (“Интер”), Харри Кейн (“Бавария”) ва Килиан Мбаппе (“Реал”) киради.