Осиё Чемпионлар лигаси Элит мусобақасининг Ғарбий минтақасида 4-тур баҳслари ортда қолди. Ҳозирча Ўзбекистоннинг ҳар икки вакили плей-офф йўлланмасини берувчи кучли саккизликка кира олмаяпти.
Фарғонанинг "Нефтчи" клуби тўртта учрашувдан 4 очко жамғариб, 9-поғонада бормоқда. Жамоанинг тўплар нисбати -2 га тенг.
"Пахтакор"нинг аҳволи эса анча мураккаб. Тошкентликлар тўрт турда атиги 2 очко тўплади ва тўплар нисбати -5 бўлган ҳолда 14-ўринни эгаллаб турибди.
Мусобақада энг яхши натижани БААнинг "Ал-Айн" клуби қайд этмоқда. Жамоа барча учрашувларида ғалаба қозониб, 12 очко билан якка пешқадамга айланган.
"Ал-Ҳилол", "Истиқлол" ва "Шабаб Ал-Аҳли" 9 очкодан жамғарган. "Ал-Қодисия" ҳамда "Ал-Аҳли" ҳисобида эса 8 очкодан мавжуд.
ОЧЛ Элит. Ғарбий минтақа. 4-турдан кейинги жадвал:
| Ўрин | Жамоа | Очко |
|---|---|---|
| 1 | "Ал-Айн" | 12 |
| 2 | "Ал-Ҳилол" | 9 |
| 3 | "Истиқлол" | 9 |
| 4 | "Шабаб Ал-Аҳли" | 9 |
| 5 | "Ал-Қодисия" | 8 |
| 6 | "Ал-Аҳли" | 8 |
| 7 | "Ан-Наср" | 6 |
| 8 | "Аш-Шамал" | 5 |
| 9 | "Нефтчи" | 4 |
| 10 | "Ал-Иттиҳод" | 4 |
| 11 | "Ал-Васл" | 3 |
| 12 | "Эйр Форс" | 3 |
| 13 | "Трактор" | 2 |
| 14 | "Пахтакор" | 2 |
| 15 | "Ас-Садд" | 2 |
| 16 | "Ал-Ғарафа" | 0 |
Қайд этиш керак, "Ан-Наср" ва "Ал-Васл" ҳозирча учтадан ўйин ўтказган. Қолган жамоалар ҳисобида тўрттадан учрашув бор.
Умумий босқич якунларига кўра, Ғарбий минтақада дастлабки саккиз ўринни эгаллаган клублар кейинги босқичга йўл олади.
«Ан-Наср» уч нафар юлдузисиз Ўзбекистонга ташриф буюрди
Туркияда ўзбек футболчилари шоу кўрсатди: Шомуродов ва Файзуллаевдан голлар
«2010 йилда мендан «Олтин тўп»ни ўғирлашган»
