Нигерда ҳокимият тепасида турган ҳарбий хунта Эрон Ислом Республикаси билан ядровий қурол ишлаб чиқариш учун хомашё бўлиб хизмат қилувчи 300 тонна “сариқ торт” – уран оксидини етказиб бериш бўйича музокаралар олиб бормоқда.
Le Monde нашрининг ёзишича, Africa Intelligence Нигер ва Эрон ядровий хомашё етказиб бериш бўйича тахминан бир ярим ой олдин музокаралар олиб бораётгани ҳақида биринчи бўлиб хабар берган. Le Monde Ғарб ва Нигерия манбаларидан тасдиқлов олди.
Нигернинг Арлит шаҳри ҳудудидаги уран конларини ўзлаштириш Франциянинг Орано давлат компанияси томонидан амалга оширилади. Францияга ҳам ядро қуроли, ҳам атом энергияси ишлаб чиқариш учун зарур бўлган уран айнан шу конлардан олинади.
2023 йил ёзида Нигерда ҳарбий тўнтариш содир бўлди. Ҳокимиятга келган ҳарбий хунта Россия билан ҳамкорлик қилиш ва ўтмишда мустамлакачиликда бўлган Франция билан алоқаларни узиш йўлини белгилади.