Нурсултон Рўзибоев АҚШлик рақибини ер тишлатди

АҚШнинг Сиэтл шаҳрида UFC Fight Night мусобақаси бўлиб ўтмоқда.

Прелим карднинг иккинчи жангида ўзбекистонлик аралаш якка кураш устаси Нурсултон Рўзибоев октагонга кўтарилди.

Унга америкалик дебютант Эрик Макконико рақиблик қилди.

Ўрта вазн тоифасидаги 3 раундлик жанг иккинчи раундда муддатидан олдин якунига етди. Ҳамюртимиз рақибини кетма-кет зарбалари орқали нокаутга учратди.

Шундай қилиб, Рўзибоев UFC'даги тўртинчи жангида учинчи ғалабасини нишонлади.