АҚШ Адлия вазирлиги баёнотида айтилишича, Ню-Ёркдаги Жон Кеннеди номидаги аэропортда якшанба куни АҚШнинг Тел-Авивдаги элчихонаси филиалини портлатишга уринганликда гумон қилинаётган эркак қамоққа олинган.
Идора маълумотларига кўра, АҚШ ва Германия фуқаролигига эга бўлган Жозеф Ноймаер исмли эркак 19 май куни Исроилда душманона тўқнашувдан сўнг ҳибсга олинган. Ноймаер ўша куни эрта офис олдидаги қўриқчига тупурган. Баёнотда айтилишича, қўриқчи Ноймаерни ушлаб қолишга уринган, аммо у ёнидаги рюкзакни ташлаб, қочиб кетишга муваффақ бўлган.
Баёнотда таъкидланишича, у тўқнашувдан сўнг элчихонада қолдирган рюкзакни текшириш чоғида "Молотов коктейли сифатида кенг танилган учта оддий қўлбола ёндирувчи қурилма топилган".
Полиция ходимлари Неймаерни ҳибсга олинган меҳмонхонагача кузатиб боришга муваффақ бўлди. Шунингдек, Адлия вазирлигининг маълум қилишича, 28 ёшли Ноймаер ижтимоий тармоқларда қуйидагича хабар қолдирган: "Мен Тел-Авивдаги элчихонага ўт қўйганимда менга қўшилинг. Америкага ўлим, америкаликлар ва лаънати Ғарбга ўлим."
Шунингдек, у ижтимоий тармоқларда АҚШ президенти Доналд Трампни ўлдириш билан таҳдид қилган, дейилади баёнотда.
Россияда якун ясалди: СССР йўқ бўлди
ХХР Данияга Россия билан ҳамкорликни тўхтатиш чақириғига "шапалоқ" билан жавоб қайтарди
Медведевнинг хаёллари
