“Украина NATO саммитида бўлмаса, Путин ютади”

Украина июн ойида ўтказиладиган NATO саммитида иштирок этиши керак — Володимир Зеленский.

Украина президентининг Берлинда Германия канцлери Фридрих Мерц билан ўтказилган матбуот анжуманида маълум қилишича, агар Киев NATO саммитда қатнашмаса, бу Владимир Путин учун ғалаба бўлади.

Володимир Зеленскийнинг бошқа баёнотлари:

◾️ Россияликлар тинчлик музокараларини бузишга уринмоқда, улар навбатдаги икки томонлама учрашув ўтказиладиган жойни танламаяпти. Москва урушни тугатмаслик учун доим баҳона излаб юради;

◾️ Бизга ҳаво ҳужумидан мудофаа ракеталарини етказиб бераётгани учун Германиядан миннатдормиз;

◾️ Менимча, АҚШ Россия талаб қилганидек, Украинани тўртта вилоятдан қўшинларини олиб чиқишга мажбурламайди;

◾️ Украина Беларусда Россия билан музокаралар ўтказишни истамайди, чунки бу давлат ҳудудидан бизга қарши ракеталар учирилган;

◾️ Россия армияси Днепропетровск вилоятининг маъмурий чегарасини кесиб ўтишга ҳаракат қилмоқда;

◾️ Россия Суми йўналишида 50 мингдан ортиқ ҳарбийни тўпламоқда;

◾️ Москва кунига 500 та дрон ишлаб чиқаришга тайёргарлик кўрмоқда;

◾️ Кремлнинг тинчлик бўйича таклифларини кўриб чиқамиз ва аниқ жавоб берамиз;

◾️ Музокаралар учун энг мақбул майдонлар: Туркия, Ватикан ва Швейцария;

◾️ Уруш 2026 йил июнигача давом эттиши мумкин. Бу санага келиб, Россия Ғарб санкцияларининг таъсирини жиддий ҳис қила бошлайди. Бироқ Украина яна бир йил жанг қилишни истамайди, бу биз учун жуда узоқ муддат.