Исроил Бош вазири Биньямин Нетаньяху раҳбарлигидаги «Ликуд» партияси 27 октябрь куни бўлиб ўтган парламент сайловларида бюллетенларнинг 97,3 фоизи санаб чиқилганидан сўнг ҳам етакчиликни сақлаб турибди.
The Times of Israel нашри хабар беришича, бу ҳақда Марказий сайлов комиссияси маълумотларида келтирилган.
Унга кўра, «Ликуд» 120 ўринли парламентда 27 та мандатга эга бўлмоқда. Нетаньяҳунинг мухолифатдаги асосий рақиби Гади Айзенкот раҳбарлик қилаётган «Яшар» партияси эса 21 ўрин билан иккинчи поғонада бормоқда.
Шунингдек, «Ликуд» ҳамда Нетаньяҳуни қўллаб-қувватловчи ўта ўнгчи ва ортодоксал партиялар блоки ҳам етакчиликни сақлаб қолмоқда. Ушбу партиялар амалдаги ҳукмрон коалицияни ташкил этади.
Ҳозирча мазкур блок парламентдаги 120 ўриндан 53 тасини назорат қилмоқда. Мухолифат эса 48 та ўринга эга бўлмоқда. Араб партиялари 19 та мандатни қўлга киритмоқда. Прогнозларга кўра, на мухолифат, на «Ликуд» улар билан коалиция тузишга тайёр.
Ҳукуматни шакллантириш учун Кнессетда (парламент) камида 61 та ўринга эга коалиция тузиш талаб этилади. Ҳозирча бирорта сиёсий куч бундай натижага эриша олмаган.
Сайловнинг якуний натижалари 4 ноябрдан кечиктирмай эълон қилиниши кутилмоқда.
Сунъий интеллект дунёдаги энг қиммат сурат муаллифлигини шубҳа остига қўйди
1-ноябрдан иссиқ сув ва иссиқлик энергияси нархлари 30% га ошади
Эстонияда асфальт тугади
