Исроил бош вазири Биньямин Нетаньяху Эронга қарши эҳтимолий янги зарбалар ҳақида АҚШ президенти Дональд Трампни хабардор қилишни режалаштирмоқда. Бу ҳақда NBC News хабар берди.
Исроил расмийларини Теҳрон уран бойитиш объектларини қайта тиклаётгани, баллистик ракеталар ишлаб чиқаришни жадаллаштираётгани ва зарар кўрган ҳаво ҳужумидан мудофаа (ПВО) тизимларини қайта қуришга уринаётгани жиддий ташвишлантирмоқда.
Маълум қилинишича, Трамп ва Нетаньяху декабрь ойи охирида Флоридада учрашиши кутилмоқда. Ушбу учрашувда Нетаньяху Оқ уй раҳбарини Эроннинг баллистик ракета дастурини кенгайтириши жиддий хавф туғдиришини ва бу зудлик билан жавоб чораларини талаб қилиши мумкинлигини ишонтиришни мақсад қилган.
Манбаларга кўра, Нетаньяху Вашингтонга бир нечта сценарийларни таклиф қилиши мумкин — Исроилга чекланган қўллаб-қувватлашдан тортиб қўшма ҳарбий операциягача.
NBC таъкидлашича, Исроилнинг хавотири Эроннинг АҚШ билан музокараларни қайта бошлашга қизиқиш билдириши билан ҳам боғлиқ. Манбалар фикрича, бу ҳолат Исроилнинг Вашингтон билан янги зарбалар бўйича келишувга эришишини қийинлаштириши мумкин.
Июнь ойида АҚШ «Ярим тунги болға» (“Midnight Hammer”) операцияси доирасида Эронга зарбалар берган. Унда 100 дан ортиқ самолёт, сувости кемаси ва еттита B-2 бомбардимончи қатнашган. Мустаҳкам иншоотларни йўқ қилишга мўлжалланган, оғирлиги 30 минг фунт бўлган бомбалар қўлланилган.
Шу билан бир вақтда Исроил кучлари Эроннинг ракета мажмуаларига зарба берган. Шунингдек, 2024 йил апрель ва октябрь ойларидаги Исроил зарбалари натижасида Эроннинг барча ПВО тизимлари шикастланган.
Аҳолига ҳеч қандай шартларсиз ҳар 3 ойда 200 доллардан берилади
Туркия Россиядан сотиб олинган С-400 зенит-ракета мажмуаларини қайтармоқчи
Россия дарҳол ҳарбий ҳаракатларни тўхтатишга тайёр,
