Исроил бош вазири Бинямин Нетаняху АҚШ президенти Жо Байден маъмуриятига ядровий ёки нефть объектларига эмас, балки Эрондаги ҳарбий нишонларга зарба беришни хоҳлаётганини айтди. Бу ҳақда The Washington Post газетаси хабар берди.
Унинг манбаларига кўра, 9 октябрь куни Байден билан телефон орқали суҳбат чоғида Нетаняху "мақсад сифатида Эрондаги ҳарбий инфратузилмани танлашни режалаштираётганини" маълум қилган. Нашрнинг фикрича, бу яҳудий давлати томонидан "кенг кўламли урушга йўл қўймаслик учун янада чекланган жавоб зарбаси" берилиши мумкинлигини англатади.
Манбалардан бири таъкидлашича, Исроил ўз жавоб ҳаракатларини "АҚШдаги сайловларга сиёсий аралашув" деб қабул қилинмаслиги учун шундай режалаштирмоқда. Бу эса, унинг сўзларига кўра, Нетаняхунинг Исроилнинг кенг кўламли зарбаси Америкадаги президентлик пойгаси натижасини ўзгартириши мумкинлигини тушунишидан далолат беради.
Нашр хабар беришича, Исроилнинг бу режаси Вашингтонда енгиллик билан қабул қилинган.
Нетаняху ва Байден ўртасидаги сўнгги телефон суҳбати 9 октябрь куни бўлиб ўтган. Бу уларнинг сўнгги бир ярим ой ичида биринчи шахсий алоқаси эди. Тахминан 40 дақиқа давом этган суҳбатга АҚШ президентлигига номзод Камала Харрис қўшилган.
Украина душман учун «Жаҳаннам» тайёрлади
Туркия, Эрон, Россия, Қатар, Миср, Иордания ва бошқа давлатлар Сурия бўйича қўшма баёнот берди
Исроил танклари Сурия ҳудудига бостириб кирди
