Непалнинг Ролпа туманидаги Жалжала шаҳрида ЖИПнинг жарликдан қулаши оқибатида ҳалок бўлганлар сони 20 кишига етди.
Бу ҳақда The Kathmandu Post нашри маҳаллий полицияга таяниб хабар бермоқда.
Шарқий Рукумдан келган зиёратчиларни олиб кетаётган транспорт воситаси Тҳабанг қишлоқ ҳокимиятининг 1-бўлимидаги тоғ тизмасидаги жарликдан қулаб тушган.
Полиция маълумотларига кўра, йўловчилар тўлин ой куни маросимларни бажариш учун Жалжалага кетаётган эдилар.
Ролпа туман полиция бошқармаси вакили инспектор Сунил Тҳапа Непали қутқарув ишлари давом этаётганини айтди. Унинг қўшимча қилишича, авария ёмғир туфайли йўлларнинг сирпанчиқлиги туфайли бўлган бўлиши мумкин.
Абдуқодир Ҳусанов ота-онасига 330 минг долларлик вилла совға қилди
Самарқандда икки нафар қиз васийси томонидан жисмоний ва руҳий зўравонликка учради
«Реал» Мбаппе билан хайрлашадими?
