НАТО Ғарбий Болқон минтақасидаги ҳарбий мавжудлигини қайта кўриб чиқмоқда

Шимолий Атлантика альянси ҳозирда Ғарбий Болқон минтақасидаги ҳарбий мавжудлигини кўриб чиқмоқда.

Бу ҳақда НАТО бош котиби Йенс Столтенберг Косоводаги матбуот анжуманида маълум қилди.

"Биз ҳозирда Ғарбий Болқон минтақасидаги, жумладан, Босния ва Герцеговина ва Косоводаги ҳарбий иштирокимизни кўриб чиқмоқдамиз. Айни дамда биз кейинги можароларнинг олдини олиш учун доимий равишда иштирокимизни оширишимиз керакми ёки йўқлигини кўриб чиқяпмиз", - деди у.