НАТО Бош котиби Йенс Столтенберг яна Грузия ҳудудий яхлитлигини қўллаб-қувватлашини билдирди.
Шимолий Атлантика альянси раҳбари Тбилисида Грузия бош вазири Ираклий Кобахидзе билан музокаралар якунлари бўйича ўтказилган қўшма матбуот анжуманида тегишли баёнот билан чиқди.
«Биз Грузия суверенитети ва ҳудудий яхлитлигини тўлиқ қўллаб-қувватлаймиз. Жанубий Осетия ва Абхазия Грузия таркибига киради. НАТО Россияни Грузия ҳудудларини мустақил давлатлар сифатида тан олишни бекор қилишга чақиришда давом этмоқда», - дея Столтенберг сўзларини келтиради Грузия ОАВ.
Столтенберг «Россия томонидан Грузия ва Украинанинг босиб олинган ҳудудларида сайловлар ўтказиш ноқонуний эканлигига» ишора қилди.
НАТО Бош котибининг таъкидлашича, блокнинг энг яқин ҳамкорларидан бири бўлган Грузия «мураккаб хавфсизлик муаммоларига дуч келмоқда».
Украинадаги вазиятга келсак, у «жанг майдонидаги» вазият оғирлигича қолаётганини айтди. «Шунинг учун биз қўллаб-қувватлашимизни оширишда давом этишимиз жуда муҳим», деди Енс Столтенберг.
17-19 март кунлари НАТО Бош котиби Енс Столтенберг Озарбайжон, Грузия ва Арманистонга ташриф буюради. Тур доирасида Столтенберг аллақачон Озарбайжонга ташриф буюрган. Тбилисидан НАТО бош котиби Ереванга жўнаб кетади.
