NASA ходимлари Оқ уй сиёсати туфайли оммавий равишда ишдан кетишга қарор қилишди

Аэронавтика ва космик тадқиқотлар миллий бошқармасининг (NASA) 2145 га яқин юқори лавозимли ходими ходимларни қисқартириш доирасида агентликни тарк этади.

Бу ҳақда Politico ўз қўлидаги ҳужжатларга таяниб ёзди.

Мақолада ишдан бўшатилган ходимларнинг аксарияти давлат хизматининг юқори лавозимларига тўғри келадиган GS-13 дан GS-15 даражасидаги лавозимларни эгаллаши кўрсатилган. Улар амалдаги ходимларни қисқартириш сиёсатидан норози. Агентлик ушбу қисқартириш чоралари доирасида ходимларга эрта пенсия, ишдан бўшатиш тўлови ва кечиктирилган ишдан бўшатишни таклиф қилди.

Агентлик матбуот котиби Бетани Стивенс электрон почта орқали: "NASA ўз миссиямизга содиқ қолади ва устуворроқ бюджет остида ишлайди" - деди.

Қисқартиришлар Америка космик агентлиги учун қийин пайтга тўғри келади. Президент Доналтд Трамп маъмурияти остида, АҚШ космик саноати ва NASAнинг 18,000 ишчи кучи яқинлашиб келаётган ишдан бўшатиш ва ўнлаб илмий дастурларни йўқ қиладиган бюджетни қисқартириш туфайли ноаниқликка дуч келмоқда. Муаммони янада кучайтирувчи жиҳат шундаки, NASA ҳозирда, ҳисоботга кўра, тасдиқланган маъмурсиз қолмоқда.

Эслатиб ўтамиз, аввалроқ АҚШ президенти Дональд Трамп маъмурияти мамлакат коинот фанида сўнгги ўн йилликлардаги энг йирик қисқартиришни тайёрлаётгани хабар қилинганди. Оқ уй NASAнинг 2026-молия йили учун бюджетини кескин қисқартиришни режалаштирмоқда, бунинг натижасида ўнлаб фаол миссиялар маблағсиз қолмоқда. Бу келажакдаги улкан лойиҳаларни ҳам, Ер, Ой, Марс ва Юпитер орбитасидаги мавжуд космик кемаларни ҳам хавф остига қўяди.