Музлатилган можаро Трамп учун сиёсий ва иқтисодий зарбага айланиши мумкин

Америкалик мулозимлар Қўшма Штатлар Яқин Шарқда «на тинчлик, на уруш ва на келишув» мавжуд бўлган музлатилган можарога тортилиб қолиши мумкинлигидан хавотирда. Бу ҳақда улар Axios нашрига маълум қилишган.

«Бундай сценарийда Америка ўз кучларини минтақада яна кўп ойлар давомида ушлаб туришга мажбур бўлади. Ҳурмуз бўғози ёпиқлигича қолади, АҚШ томонидан қамал давом этади ва ҳар икки томон ким биринчи бўлиб ён беришини ёки ўт очишини кутишда давом этади», — деб ёзади портал.

Бундан ташқари, Америка етакчиси Дональд Трампга яқин бўлган манбанинг таъкидлашича, «музлатилган можаро» Оқ уй раҳбари учун ҳам сиёсий, ҳам иқтисодий жиҳатдан «энг ёмон вариант» ҳисобланади, чунки ноябрь ойидаги оралиқ сайловларга атиги олти ой қолди.