Муҳаммад Салоҳ Саудия Арабистонига кетиш ҳақида жиддий ўйлаганини тан олди

"Ливерпуль" ва Миср терма жамоаси форварди Муҳаммад Салоҳ инглиз клуби билан шартномасини узайтиришдан олдин Саудия Арабистони Про-лигасига ўтиш ҳақида жиддий ўйлаганини тан олди.

"Ҳа, менда фаолиятимни Саудия Арабистонида давом эттириш варианти бор эди. Музокаралар бўлиб ўтди ва мен ҳақиқатан ҳам бу ҳақда ўйладим. Агар "Ливерпуль" билан келишиб олмаганимда, катта эҳтимол билан у ерга кетган бўлардим," - деди Салоҳ Франциянинг RMC Sport нашрига берган интервьюсида.

Шу билан бирга, 32 ёшли ҳужумчи Мадриднинг "Реал" ёки "Барселона" клуби билан алоқада бўлмаганини таъкидлади.