Москвада жинсий қулликда ушлаб келинаётган 3 нафар ўзбек аёли аниқланган, улар 18, 20 ва 30 ёшли бўлишган.
Гап нимада?
18 ёшли қиз қулликдан қочишга эришган ва полицияга мурожаат қилган. Айтишича, уни бир неча ой қулликда сақлашган ва фоҳишалик қилишга мажбурлашган.
Бу қиз 2019 йил бошида дугонасининг таклифи билан сотувчилик қилиш учун Россия пойтахтига боргани айтилади. Лекин уни алдашган ва пул эвазига интим хизматлар кўрсатишга мажбурлашган.
2 ойдан кейин қиз қочиб кетган, бироқ қўшмачилар уни топиб, яна "хизмат"га қайтаришган, калтаклашган ва бу сафар текинга фоҳишалик қилишга ундашган. Жабрланувчи яна қочиб кетишга эришган.
Полиция унинг аризасига биноан керакли манзилга борганда 20 ва 30 ёшли бошқа ўзбек аёллари ҳам борлиги аниқланган. Ҳозир текширув ишлари олиб бориляпти.
