Россиянинг Германиядаги элчиси Сергей Нечаев Германиянинг АРД ижтимоий-ҳуқуқий телеканали ходимларининг Россиядан чиқариб юборилиши муносабати билан Германия ташқи ишлар вазирлигига чақирилди. Бу ҳақда 28 ноябрь, пайшанба куни АФП хабар берди.
Германия ташқи ишлар вазири Анналена Бербок АРД журналистларининг Россиядан чиқариб юборилишини «мақбул эмас» деб атади ва Россия томони бунинг учун фойдаланган асос «шунчаки нотўғри ва ёлғон,» деб ёзади АФП. Нашрга кўра, Бербок Москвани «ёлғон даъволардан фойдаланган ҳолда тарғибот-ташвиқот ишларини олиб боришда» айблади.
Россия ТИВ расмий вакили Мария Захарова 27 ноябрь куни бўлиб ўтган брифингда Германиянинг АРД телеканали ходимлари Франк Айшманн ва Свен Феллер Россияда ишлаш учун аккредитациядан маҳрум этилгани ва мамлакатдан чиқариб юборилгани ҳақида маълум қилди.
Франция ҳам очиқчасига Россияга қарши бош кўтарди
Россия рубли ҳам қулади
Немислар бир нарсани билишади
