Бирлашган Миллатлар Ташкилоти 2024 йилда қуролли можаролар зоналарида болаларга нисбатан зўравонликнинг рекорд даражасини қайд этди.
Бу ҳақда БМТ бош котибининг болалар ва қуролли можаролар бўйича ҳисоботида айтилади.
2024 йилда қуролли тўқнашувлар зоналарида болаларга нисбатан 41 370 та қўпол қоидабузарлик қайд этилган – бу қарийб 30 йил аввал мониторинг бошланганидан бери энг юқори кўрсаткичдир. 2023 йилга нисбатан ҳуқуқбузарликлар сони 25 фоизга ошган.
Энг кўп ҳодисалар Исроил ва босиб олинган Фаластин ҳудудлари (айниқса, Ғазо сектори), шунингдек, Конго Демократик Республикаси, Сомали, Нигерия ва Гаитида қайд этилган.
2024 йилда энг кўп учрайдиган қоидабузарлик болаларни ўлдириш ва майиб қилиш (11 967 та ҳолат), иккинчи ўринда инсонпарварлик ёрдамидан воз кечиш (7 906 эпизод) ва болаларни қуролли гуруҳларга ёллаш ёки ишлатиш (7 402 та ҳолат) қайд этилган.
Шунингдек, мактабларга ҳужумлар (44 фоизга) ва жинсий зўравонлик (34 фоизга) кўпайган. Турли хил зўравонликлардан азият чеккан болалар сони ҳам кўпайган.
Бирлашган Миллатлар Ташкилоти, шунингдек, можаро иштирокчилари билан тахминий ёки ҳақиқий алоқалар учун болаларни ҳибсга олишнинг 3018 та ҳолати қайд этилганини қайд этди. Ҳисоботда бундай болаларни биринчи навбатда жабрланувчи сифатида тан олиш ва ҳибсга олишнинг муқобил усулларини топиш зарурлиги таъкидланади.
Шу билан бирга, айрим мамлакатларда ижобий ўзгаришлар кузатилмоқда: Ироқ, Покистон ва Филиппинда профилактика чоралари амалга оширилмоқда, бунинг натижасида бу давлатлар келгуси йилда БМТнинг болалар ва можаролар бўйича кун тартибидан чиқариб ташланади.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
