Ярим ҳимоячи Лука Модрич клублар ўртасидаги жаҳон чемпионатидан сўнг "Реал"ни тарк этади. 39 ёшли хорватиялик футболчи фаолиятини қаерда давом эттириши ҳозирча номаълум, гарчи бу мавзуда миш-мишлар мунтазам равишда пайдо бўлса-да.
Сўнгги кунларда матбуот Модрични МЛС ва Саудия Арабистони клублари билан боғлашни бошлади. BBC нашри тажрибали ярим ҳимоячининг Шотландиянинг "Рейнжерс" клубига ўтиши мумкинлиги ҳақида хабар беради.
"Рейнжерс"да Модрич ҳақидаги миш-мишлар Давиде Анчелоттининг ушбу клубга ўтиш эҳтимоли фонида пайдо бўла бошлади. Аввалроқ "Реал Мадрид" мураббийлар штабида бўлган Карло Анчелоттининг ўғли Шотландия футболи гиганти учун асосий номзодга айланди. Кичик Анчелоттининг "Рейнжерс" вакиллари билан учрашуви ижобий бўлди.
Аввалроқ Лука Модрич 2026 йилги жаҳон чемпионатидан сўнг фаолиятини якунламоқчи экани хабар қилинганди.
"Реал"да Модричдан кейин ўнинчи рақамда ким ўйнаши аниқ бўлди
Ҳабиб Нурмагомедов: "Дана, Исламга жанг манзилини жўнат"
Қатар билан ўйинга онлайн чипталар чиқарилмайди!
