Модрич Роналду ёки Месси билан бир жамоада ўйнаши мумкин

«Реал»ни эркин агент сифатида тарк этаётган Лука Модрич Криштиану Роналду ёки Лионел Месси билан бир жамоада ўйнаши мумкин. Бу ҳақда Foot Mercato нашри хабар берди.

Клублар ўртасидаги жаҳон чемпионатидан сўнг «Реал»ни тарк этадиган 39 ёшли яримҳимоячи «Ан Наср» ва «Интер Майами» жамоаларидан таклиф олган. Шунингдек, хорватиялик футболчини «Ал Иттифоқ» ҳамда бир нечта Бразилия клублари ҳам ўз таркибида кўришни истамоқда.

Маълумотларга кўра, Модрич бир муддат давомида Роналду билан «Ан Наср» лойиҳаси ҳақида гаплашган, аммо унинг оиласи АҚШга кўчиб ўтишни афзал кўрмоқда.