Россия Ташқи ишлар вазирлигининг Москва давлат халқаро муносабатлар институти (МГИМО) Тошкент филиалида медиабизнес бўйича янги таълим дастури очилиши мумкин. Бу ҳақда МГИМОнинг биринчи проректори — ривожлантириш бўйича проректор Артём Мальгин маълум қилди.
“Мамлакатда жуда жиддий реклама бозори ривожланмоқда. Ўйлайманки, бу йил давомида биз бу йўналишни пухта ишлаб чиқамиз, режалаштирамиз ва, эҳтимол, келаси йил ёзда эълонларимизда медиабизнес бўйича янги дастурни таклиф қилаётганимизни кўрасиз”, — деди Мальгин филиалнинг очиқ эшиклар кунида.
Жорий йилда филиалда “Молиявий иқтисодиёт ва молиявий технологиялар” йўналиши ҳам очилди. Янги йўналишнинг биринчи курс талабаларига талабалик гувоҳномалари тантанали равишда топширилди.
Тошкент филиали талабалари ҳақида гапирар экан, Мальгин уларнинг юқори тайёргарлик даражаси ва меҳнатсеварлигини алоҳида таъкидлади.
“Тошкент филиалидаги талабалар билан илк бор учрашаётган ҳамкасбларимиз уларнинг меҳнатсеварлигига ҳайрон қолишади. Улар бу ердаги талабаларнинг билим даражаси москвалик тенгдошлари билан бир хил эканини, айни пайтда уларнинг дунёга ўз қараши борлигини кўришади. Чунки улар бошқа вазифалар, бошқа маданий ва мамлакат контексти мавжуд бўлган Тошкент кампусида таҳсил олишган”, — деди у.
Шаҳноза Мирзиёева Мусулмон Юнусовнинг мурожаатига муносабат билдирди
Дунё харитаси 500 йил ичида илк бор янгиланди
💴 Адлия вазирлиги Ўзбекистондаги пенсия ва нафақалар миқдорини эслатди
