"Барселона" ва "ПСЖ" клубларининг собиқ ҳужумчиси, ҳозирда Бразилиянинг "Сантос" клубида тўп тепаётган Неймар жамоасини ўзгартириши мумкин. Бу ҳақда Daily Mail журналистлари хабар бермоқда.
Манбага кўра, бразилиялик юлдуз ҳужумчига аргентиналик Лионель Месси тўп тепаётган АҚШнинг "Интер Майами" клуби қизиқиш билдирмоқда. Неймарнинг агентлари ушбу трансфер бўйича музокаралар олиб боришга тайёр.
Ҳужумчи 2025/2026 йилги мавсумда 21 та ўйинда иштирок этган. Неймар 6 та гол ва 3 та голли узатмани ўз ҳисобига ёздириб қўйди.
33 ёшли бразилияликнинг амалдаги шартномаси декабрь ойи охирида ўз ниҳоясига етади. Форварднинг бозор нархи - 11 миллион евро.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
