Месси Ламин Ямалнинг истиқболига баҳо берди

«Интер Майами» ҳужумчиси Лионель Месси 17 ёшли Ламин Ямал ҳақида фикр билдирди.

Ёш испанияликни кўпинча «кўк-анорранглилар»нинг муваффақиятига қўшган ҳиссаси ва ўйин услуби учун Мессининг ўзига қиёслашади.

«Менга бугунги ёш футболчилар ёқади, уларда кўп нарса бор. Албатта, мен Ламин Ямал ҳақида эшитганман.

У изчилликни сақлаб туриши керак, аммо бу унга ва бошқа омилларга боғлиқ. У аллақачон ажойиб ишламоқда ва ишончим комилки, уни порлоқ келажак кутмоқда», - деди 2021 йилгача «Барса»да ўйнаган аргентиналик суперюлдуз.