Клаудио Раньери "Рома"нинг "Айнтрахт Франкфурт" устидан 2:0 ҳисобидаги ғалабасидан сўнг Матс Хуммелсни алоҳида мақтади, Элдор Шомуродовни жамоада сақлаб қолишининг сабабини тушунтирди ва Европа Лигасидаги фаворитлик ҳақидаги гапларга кулди.
Жиаллороссилар охирги тур олдидан босимни ҳис қилишди ва фақат ғалабагина уларнинг плей-оффдаги ўрнини кафолатлашини билишарди.
Улар иккинчи ўринни эгаллаб турган "Айнтрахт Франкфурт"га қарши ўйнаб, Анхелино ва ўринбосарлар сафидан тушган Шомуродовнинг голлари эвазига томошабинлар билан лиқ тўла "Олимпико" стадионида 2:0 ҳисобида ғалаба қозонишди.
"Бундай катта ўйинларда катта футболчилар ўзларини намоён қилишади. Баъзилари жаҳон чемпионлари, улар жамоани ўз қўлларига олиб, барча жамоадошларини руҳлантиришади," дея таъкидлади Раньери Sky Sport Italia нашрига.
Шомуродов сўнгги икки ўйинда захирадан тушиб, ажойиб ўйин кўрсатди. Шундай экан, у "Рома"да қоладими ёки Ўзбекистон миллий терма жамоаси ҳужумчиси ҳали ҳам "Венеция"га ўтиш арафасидами?
"Мен унга бизда қолишини айтдим. Барча ўйинчилар ҳам, мухлислар ҳам уни яхши кўришади, чунки у борини беради. Мен у билан "Каляри"да ҳам ишлаганман, у доим кулиб туради, гарчи баъзида жаҳлимни чиқарса ҳам! Мен унга дедим: Агар сен кетсанг, мен кимга жаҳл қиламан?!
- Уни яхши кўришимни билади!"
Қодиров ғойиб бўлди
Россия аллақачон Эрон ва КХДР каби барча тақиқланган давлатлардан ўзиб, жаҳон рекордчисига айланди
"ZO'R TV" АПЛ ўйинларини трансляция қиладиган бўлди!
