Мен Нобель тинчлик мукофотини ололмадим

Трамп Нобель тинчлик мукофотини ололмаганидан ғазабга келди.

АҚШ президенти Дональд Трамп 2026 йилги Нобель тинчлик мукофоти Жанубий Африка Республикаси ҳуқуқшуноси Наванетхем Пиллэйга берилганидан сўнг Нобель қўмитасини кескин танқид қилди. У Нью-Йорк штатидаги сайловолди тадбирида қабул қилинган қарорни «шармандали ва уятли» деб атади ҳамда бу Норвегиянинг обрўсига доғ туширишини билдирди.

Оқ уй раҳбари Нобель қўмитасини демократияга қарши бўлган «радикал мафкурачилар» таъсири остида қолганликда айблади. Трамп Пиллэй ҳақида аввал эшитмаганини айтиб, уни «БМТнинг либерал вакили» деб атади.

«Мен Нобель тинчлик мукофотини олишим керак эди, аммо ололмадим», — деди Трамп.

У ўзининг ҳал қилганини даъво қилаётган бир қатор можароларни яна бир бор санаб ўтди. Шунингдек, 2009 йилда президентлик лавозимига киришганидан бир йил ўтмай Нобель тинчлик мукофотини олган АҚШнинг собиқ президенти Барак Обама билан ўзини таққослади.

Трампнинг чиқиши Нью-Йорк губернаторлигига республикачилар номзоди Брюс Блейкманни қўллаб-қувватлашга бағишланган митингда бўлиб ўтди. Бироқ президент нутқининг катта қисмини сайловолди масалаларига эмас, балки Нобель қўмитасидан норозилиги ва сиёсий рақибларига нисбатан танқидларга бағишлади.