Украина президенти Владимир Зеленский 8 октябрь куни мамлакат шарқида Россия бомбаси ҳужуми оқибатида камида 35 киши ҳалок бўлганидан кейин АҚШни Киевга ёрдам беришни истамасликда айблади. Бу ҳужум туфайли сўнгги икки кун ичида Россия зарбаларидан қурбон бўлганлар сони 70 нафардан ошди. Бу ҳақда Reuters хабар берди.
Фронт чизиғидаги Краматорск шаҳрида 8 октябрь куни содир этилган портлаш икки автобусни вайрон қилди. Орадан бир неча соат ўтгач, Зеленский Вашингтоннинг ҳаракатларини танқид қилди. Унинг айтишича, АҚШ бир томондан тўрт йилдан ошиқ давом этаётган урушда воситачилик қилишга уринмоқда, иккинчи томондан эса Россия билан иқтисодий алоқаларни давом эттиришга интилмоқда.
Прилукидаги журналистлар билан мулоқот чоғида Украина етакчиси АҚШдан ўз илтимосини бажаришни талаб қилди. У Украинанинг Starlink сунъий йўлдош хизматидан фойдаланиш имкониятини кенгайтиришни ва бу орқали Россиянинг баллистик ракета қурилмаларига зарба беришга ёрдам беришни сўради.
“Starlink’ни Украина учун очинг. Эронга уни очгансиз. Мен очиқ айтдим — Starlink’ни бизга беринг, осмонимизни ҳимоя қилишимизга ва устунликка эришишимизга ёрдам беринг. Шундан кейингина Путин музокара столига ўтиради”, деди у ўз баёнотида.
Зеленский Украина делегацияси музокаралар учун 9 ва 10 октябрь кунлари АҚШ (Маями)га сафар қилишини айтиб, Қўшма Штатлар президенти Дональд Трампни Россияга нисбатан санксиялар босимини кучайтиришга чақирди.
Икки футболчи зўрлаш ишида қўлга олинди
«Биз тайёрмиз»: Мерц Киевдан Путинга мурожаат қилди
Жиззахда эркак 10 ёшли болани зўрлаб, сўнг ўз жонига қасд қилди
