Мексика президенти Клаудия Шейнбаум июн ва июл ойларида Қўшма Штатлар, Канада ва Мексикада бўлиб ўтадиган Жаҳон чемпионати иштирокчилари ва томошабинларига «хавфсизлик кафолатлари» берди.
Сўнгги кунларда Мексикада Эл Менчо номи билан танилган наркобарон Немесио Осегуэра Сервантеснинг ўлдирилиши катта шов-шувга сабаб бўлди.
Шейнбаум хоним 2026 йилги Жаҳон чемпионати ўйинлари учун Мексикага саёҳат қилаётган мухлислар учун «ҳеч қандай хавф йўқлигини» айтди.
Давлат раҳбари вазият аста-секин нормал ҳолатга қайтаётганини ва хавфсизлик кучлари Мексика фуқаролари ва хорижий сайёҳларни унинг қотиллиги учун қасос олмоқчи бўлган гангстерлар ва Эл Менчо мухлисларидан ҳимоя қилаётганини таъкидлади.
ФИФА президенти Жанни Инфантино кеча турнирни шу ёзда Мексикада ўтказиш борасида «жуда хотиржам» эканлигини айтди.«Ҳаммаси ажойиб бўлади», деб ишонади Инфантино.
Бундан ташқари, ФИФА расмийлари вазиятни диққат билан кузатиб бораётганини ва Мексика расмийлари билан яқин алоқада эканлигини таъкидладилар.
Уйига фақат тунда келишни одат қилган қарздорга МИБ "сюрприз" қилди
Трамп: "Менга мамлакатни вайрон қилиш ҳуқуқи берилган”
Ўзбекистонликлар учун Қатарда ишлаш имконияти яратилди
