АҚШ президенти мамлакатдаги вазият тўғрисидаги Конгрессга йўллаган йиллик мурожаатида Қўшма Штатлар ҳар қачонгидан ҳам кучлироқ, бойроқ ва барқарорроқ эканини маълум қилди.
Доналд Трампнинг сўзларига кўра, мамлакат чегаралари ҳимояланган, иқтисодиёт жадал ривожланмоқда, Вашингтоннинг рақиблари эса босим остида қолган.
Трамп иқтисодиёт соҳасидаги ютуқлар ҳақида гапириб, бензин нархларининг пасайгани, инфляция барқарорлашгани ҳамда уй-жой бозоридаги вазият яхшиланаётганини қайд этди.
АҚШ етакчиси ташқи сиёсат масаласига тўхталар экан, ҲАМАС гаровга олган исроилликлар қайтарилганини эслатди. Мазкур чиқиш Россия босқинининг тўрт йиллиги санасига тўғри келган бўлса ҳам Украинадаги уруш қисқача тилга олинди. Трампнинг айтишича, Оқ уй ушбу урушни якунлаш учун “катта ишлар” қилмоқда.
Шунингдек, Трамп миграция мавзусига ҳам тўхталиб, демократларга овоз бериш Қўшма Штатларнинг “очиқ чегарали давлат” бўлиши учун овоз бериш билан баробар эканини айтди. Сўнг президент Конгресс аъзоларидан “АҚШ ҳукуматининг бирламчи вазифаси ноқонуний мигрантларни эмас, балки америкалик фуқароларни ҳимоя қилишдир” деган фикрга қўшиладиганлардан ўринларидан туришни сўради. Унинг бу сўзларидан кейин фақат республикачилар ўринларидан туриб, узоқ вақт қарсак чалишди.
Трампнинг нутқи қарийб 1 соат 47 дақиқа давом этди ва 2025 йилда унинг ўзи томонидан ўрнатилган Конгресс олдидаги энг узоқ нутқ рекордини янгилади.
Уйига фақат тунда келишни одат қилган қарздорга МИБ "сюрприз" қилди
Трамп: "Менга мамлакатни вайрон қилиш ҳуқуқи берилган”
Ўзбекистонликлар учун Қатарда ишлаш имконияти яратилди
