Килиан Мбаппе «Реал» сафида «Бенфика»га қарши ўйинда майдонга тушмади. Мадрид клуби ҳужумчининг муаммоли тиззаси тўлиқ тикланиши учун унга вақт беришга қарор қилди.
«The Touchline» нашрининг «COPE» эфирига таяниб хабар беришича, Мбаппе максимал 14 кунга сафдан чиққан. Бу «Реал» ва унинг мухлислари учун ижобий янгиликдир.
Айтилишича, француз футболчиси Чемпионлар лигасининг 1/8 финалида ўйнашга тайёр бўлади. Ушбу босқичнинг дастлабки учрашувлари 10 ва 11 март кунлари бўлиб ўтади.
2025/2026 йилги мавсумда Килиан Мбаппе 33 та ўйинда майдонга тушди. Уларда франциялик форвард 38 та гол урди ва жамоадошларига олтита голли узатмани амалга оширди.
«Реал» ўзининг навбатдаги учрашувини 2 март куни Ла Лига доирасида «Хетафе»га қарши ўтказади.
Гвардиола нега Ҳусанов "Ньюкасл"га қарши ўйин танаффусида майдонга туширилганини изоҳлади
"Ал-Ҳилол" футболчилари Бензема билан шартнома имзоланганидан афсусда
Элдор Шомуродов Италияга ташриф буюрди
