Мбаппе «Олтин бутса» учун курашда биринчи ўринга чиқиб олди

«Реал» ҳужумчиси Килиан Мбаппе «Олтин бутса» учун курашда биринчи ўринга чиқиб олди.

26 ёшли франциялик футболчи Ла Лиганинг 38-турида «Реал Сосиедад» дарвозасига иккита гол урди (2:0). Шу тариқа, унинг Испания чемпионатидаги голлари сони 31 тага етди.

Мбаппе мазкур натижа билан «Спортинг» форварди, 39 та гол урган швециялик Виктор Гокерешни 3,5 баллик фарқ билан ортда қолдирди. Португалия чемпионати эса аллақачон якунланган.

Шунингдек, «Ливерпул» яримҳимоячиси Муҳаммад Салоҳ ҳисобида 28 та гол (56 балл) мавжуд. Унинг жамоаси АПЛда «Кристал Пэлас»га қарши майдонга тушади. Агар ушбу баҳсда Салоҳ 3 тадан кўп гол урмаса, Мбаппе «Олтин бутса»га эга чиқади.