Миср суди собиқ телебошловчи Сара Халифа ва яна 11 нафар шахсни наркотик воситаларни ноқонуний ишлаб чиқариш ва сақлаш билан боғлиқ жиноят иши бўйича ўлим жазосига ҳукм қилди.
Бу ҳақда "Masrawy" портали хабар берди.
Маълумотга кўра, яна 9 нафар айбланувчи умрбод қамоқ жазосига ҳукм қилинган, 7 нафар шахс эса оқланган.
Суд қарори ҳали якуний эмас. Унинг устидан апелляция ва кассация инстанцияларида шикоят қилиш мумкин.
Халифа ҳам аъзо бўлгани айтилган жиноий гуруҳ фаолияти билан боғлиқ можаро 2025 йил апрель ойида бошланган. Ўшанда Қоҳиранинг шарқий ҳудудларидан биридаги хусусий хонадонда синтетик наркотиклар ишлаб чиқариш цехи аниқланган.
Ҳуқуқни муҳофаза қилувчи органлар жами камида 750 килограмм наркотик моддани мусодара қилган.
Сара Халифа фаолиятини Саудия Арабистони ва Ироқ телеканалларида бошлаган. Кейинчалик у муаллифлик дастурини олиб борган ва Қоҳирада ўзининг гўзаллик студиясини очган.
Унинг ижтимоий тармоқлардаги саҳифаларига камида 3 миллион киши обуна бўлган.
Уруш оқибатлари: Россия ғалласи Қозоғистонникини сиқиб чиқармоқда
Биз эртагаёқ кетамиз...
Путин Зеленскийнинг Россия осмони хавфсиз эмаслиги ҳақидаги огоҳлантиришига жавоб қайтарди
