Ўзбекистоннинг олтин-валюта захиралари салкам 44,9 миллиард долларга етди.
Марказий банкнинг маълум қилишича, жорий йилнинг 1 февраль ҳолатида Ўзбекистоннинг олтин-валюта захиралари 44,9 миллиард долларни ташкил қилди. Бу январь ойига нисбатан 2 миллиард долларга кўпроқ.
Захиралар ортишида хорижий валютадаги захира активлар асосий роль ўйнаган. Ой давомида валютадаги захиралар 2,2 миллиард доллардан кўпроққа ошган ва 9,5 миллиард долларгача етган. Бунда бош офиси хорижда жойлашган банклардаги активлар 2,16 миллиард долларга ошган.
Шунингдек, валютадаги захиралар таркибида Марказий банк томонидан сотиб олинган қимматли қоғозлар 102,1 миллион доллардан 202,5 миллион долларгача ўсган.
Февраль ойида олтиннинг физик ҳажми 380 минг трой унцияга, қиймати эса салкам 202 миллион долларга камайган. Шундай қилиб, захиралар таркибидаги олтиннинг қиймати 34,9 миллиард долларни ташкил қилди.
Маълумот ўрнида айтиш жоиз, январь ойида Ўзбекистоннинг халқаро захиралари ҳажми 1,7 миллиард долларга ошиб, 42,9 миллиард долларга етган. Олтин нархларининг қимматлаши захираларга 2,27 миллиард долларлик ижобий таъсир кўрсатган.
Канада АҚШга зарба берди
"Кўринмас" рус дронлари Украина артиллериясини мазах қилмоқда
Хитой Австралияни ўраб олди
