Украинанинг Суми вилояти ҳокимияти минтақанинг шимоли-шарқида, Россия чегараси яқинида жойлашган Белопилля ва Ворожба шаҳарларидан аҳолини зудлик билан кўчиришни эълон қилди.
Суми тумани давлат бошқармаси раҳбари Михаил Мелник маҳаллий аҳолига хавфсиз жойга кўчиш чақириғи билан мурожаат қилиб, бу ҳақда Facebook’да ёзиб қолдирди.
"Белопилля ва Ворожба шаҳарлари аҳолисидан зудлик билан хавфсиз жойга кўчишларини сўрайман. Кўчириш автобуслари ҳар куни эрталаб соат 8:00 да жўнаб кетади," - дея ёзди Мелник. Унинг айтишича, кўчиришга ёзилиш кеча-ю кундуз амалга оширилиши мумкин.
Белопилля аҳолиси - тахминан 6 минг, Ворожба эса - 6,6 минг кишини ташкил этади. Белопилля Россиянинг Теткино қишлоғидан тахминан 13 километр узоқликда жойлашган.
Аввалроқ Украина ҳарбийлари Россия баҳор охири - ёз бошида фронтнинг аксарият йўналишларида ҳужум ҳаракатларини кучайтириши мумкинлигига тайёргарлик кўраётгани маълум бўлганди. Украина қўмондонлиги Россия Суми ва Харков вилоятлари чегарасида ҳужум ҳаракатларини бошлаши мумкинлигини тахмин қилмоқда.
Шу билан бирга, Суми ОАГ Россия қўшинлари Суми вилояти ҳудудида буфер зона яратишга уринишларни давом эттираётгани, бироқ сезиларли муваффақиятга эриша олмаётганини маълум қилди.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Франция Россия Ғалаба байрамига таклиф қилинмаганидан ғазабланди
