"Манчестер Сити" асосий рақобатчисини мағлуб этди, Ҳусанов яна захирада қолди

"Манчестер Сити" ўз майдонида АПЛнинг 34-турида "Астон Вилла"ни мағлуб этди - 2:1.

Учрашувнинг 7-дақиқасида мезбонлар ярим ҳимоячиси Бернарду Силва ҳисобни очди. Учрашувнинг 18-дақиқасида меҳмонлар форварди Маркус Рэшфорд пенальтидан унумли фойдаланди.

Учрашувнинг 80-дақиқасида ҳакам "Манчестер Сити" ҳужумчиси Омар Мармушнинг голини VAR аралашувидан кейин бекор қилди - мисрлик офсайдда қолиб кетди. Учрашувнинг 90+4-дақиқасида мезбонлар вакили Матеус Нунес ғалаба тўпини киритди.

Ҳамюртимиз Абдуқодир Ҳусанов захирада қолдирилди.

"Манчестер Сити" 61 очко билан АПЛ турнир жадвалида учинчи ўринда бормоқда. "Астон Вилла" 57 очко билан еттинчи ўринда бормоқда.