Макрон: "Украина учун хавфсизлик кафолатлари устида иш якунланди"

Франция президенти Эммануэль Макрон Украина учун хавфсизлик кафолатлари бўйича ишлар якунланганини маълум қилди.

Бу ҳақда Макрон Украина президенти Владимир Зеленский билан учрашув якунлари бўйича ўтказилган матбуот анжуманида маълум қилди.

Макрон бу борадаги музокаралар европаликлар, французлар ва украиналиклар хавфсизлиги учун муҳимлигини таъкидлади.

У, шунингдек, АҚШнинг хавфсизлик кафолатларини тақдим этишдаги иштироки Вашингтон билан муҳокама мавзуси бўлишини таъкидлади: "Яқин кунларда АҚШнинг ушбу кафолатлардаги иштирокига ойдинлик киритиш учун АҚШ расмийлари билан музокаралар ўтказилиши кутилмоқда".

"Бир вақтнинг ўзида Россия америкалик воситачига тинчликка интилиши борасида аниқ расм тақдим этишини таъминлаш бўйича муҳокамалар олиб борилмоқда. Шунингдек, Америка ва Россия делегациялари ўртасида Москванинг олдинга силжишга тайёрми ёки истамаслигини текшириш учун музокаралар бўлиб ўтади", - дея қўшимча қилди у.