Макрон рафиқасидан тарсаки еган видеосига изоҳ берди

Эммануэл Макрон рафиқасидан тарсаки егани акс этган видео бўйича изоҳ берди.

Франция президенти видеонинг ҳақиқийлигини тасдиқлади, бироқ воқеа нотўғри талқин қилинганини айтди. Сиёсатчи Брижит томонидан юзига урилган зарбани "шунчаки ҳазиллашиш" деб тушунтирди.

"Биз тортишмадик, шунчаки турмуш ўртоғим билан ҳазиллашаётган эдик. Аммо, ҳайратланарлиси шундаки, бу бутун дунё миқёсидаги фалокатли ҳолат каби талқин қилинди. Одамлар жуда кўп бемаъни гапларни гапиряпти. Ҳамма тинчланиши керак", — деди Макрон Вьетнамга ташрифи чоғида журналистларга.