МакГрегор қўлқопсиз жангларда қатнашишни режалаштирмоқда

UFC'нинг икки вазн тоифасидаги собиқ чемпиони, ирландиялик Конор МакГрегор келажакда Bare Knuckle FC лигасидаги қўлқопсиз жангларда қатнашмоқчи.

"Конор МакГрегор Bare Knuckle лигасида жанг қилади. Бу сўзларимни эслаб қолинг", – деди МакГрегор Италиядаги матбуот анжуманида.

36 ёшли ирландиялик сўнгги марта 2021 йил июлида UFC 264 турнирида америкалик Дастин Порьега қарши жанг қилган ва оёғидан жароҳат олиб, техник нокаутга учраган. Унинг ММАдаги рекорди 22 ғалаба ва 6 мағлубиятдан иборат.